Gi-anunsyo niadtong Enero 7, 2025 sa Kapamilya actress ug It’s Showtime host nga si Anne Curtis nga ang iyang amahan patay na, pinaagi sa iyang Instagram account, ingon man sa post sa iyang igsoon nga si Jasmine Curtis-Smith.
Ang amahan sa aktres mao si James Ernest Curtis-Smith. Wala pa gidayag sa pamilya ang hinungdan sa iyang kamatayon, apan matod ni Anne, malinawon ang pagpanaw sa iyang amahan.
Sa iyang mensahe, giingon ni Anne nga dakong papel ang iyang amahan sa paghulma kanila isip lig-on ug positibo nga mga miyembro sa pamilya. Daghang netizens, fans, ug kaubanang artista ang mipadayag sa ilang pahasubo ug mga pag-ampo alang sa Curtis-Smith family.
Sa pagkakaron, wala pa gipahibalo ang mga detalye sa haya saamahan sa aktres.
Photo Courtesy: MSN
