Gikatahong walay plano nga motambong sa 2025 Metro Manila Film Festival (MMFF) Awards Night Si Vice Ganda, bisan pa man sa iyang pagkadaog nga Best Actor sa pelikulang “Call Me Mother.”
Sumala pa sa actor-comedian, panagsa ra siya motambong sa MMFF awards ceremonies, sanglit sagad sa maong okasyon mahitabo sa panahon sa bakasyon nila ug sa iyang inahan panahon sa holiday season.
Sa unang adlaw sa shooting sa Call Me Mother, matod pa niya ang direktor nga si Jun Lana nga dili siya motambong sa awards night. Gitataw ni Vice nga nitambong lang siya sa miaging tuig aron moapil sa selebrasyon sa ika-50 nga anibersaryo sa MMFF ug aron suportahan ang pelikula ug ang direktor niini.
Nabag-o lang ang iyang desisyon human Nakighinabi kaniya ang iyang amo, kinsa matod pa ni Vice, nipahinumdom niya nga ang pagtambong sa awards night dili tungod kay naglaom siya nga modaog, kundili aron suportahan ang local film industry, ang festival, ug ang iyang mga kaubang artista.
Gumikan niini, napugos si Vice sa pagtambong ug nangayo pa og tabang sa iyang co-star nga si Nadine Lustre sa styling team alang sa iyang hitsura sa maong aktibidad.
Gawas sa Best Actor award ni Vice Ganda, ang Call Me Mother nidaog usab isip Third Best Picture, Best Child Performer, ug Gender Sensitivity Award sa 2025 MMFF Gabi ng Parangal.
Photo Courtesy:Discogs
