Dakpan ang usa ka babaye sa mga personnel sa Compostela Municipal Police Station (MPS) kauban ang mga personnel sa 1st Davao de Oro Provincial Mobile Force Company (DDOPMFC), sa koordinasyon sa Philippine Drug Enforcement Agency (PDEA) Region XI, sa gipahigayon nga joint buy-bust operation ubos sa Pre-Operation No. 12-00-01022026-013 sa Barangay Poblacion, Compostela, Davao de Oro niadtong nakalabay nga adlaw.
Giila ang suspek nga alyas “Inday” (SLI), 30-anyos, babaye, single, sales lady, ug residente sa Barangay Poblacion, Compostela, Davao de Oro, tungod sa paglapas sa Republic Act 9165 o ang Comprehensive Dangerous Drugs Act of 2002.
Atol sa operasyon, ang poseur-buyer ug arresting/seizing officer nakasakmit gikan sa posisyon sa suspek ang tulo (3) ka gagmay’ng heat-sealed transparent plastic sachet nga adunay puti nga crystalline substance nga gituohang shabu.
Ang nadakpang suspek, kauban ang tanang nakumpiska nga droga ug ubang mga ebidensya, anaa na karon sa kustodiya sa Compostela MPS alang sa hustong disposisyon ug pagpadayon sa legal nga proseso.
Photo Courtesy: Compostela MPS
