Gidasig sa Department of Labor and Employment (DOLE) Region 9 ang tanang mga empleyado sa private sector sa Zamboanga Peninsula nga magbaton ug kopya sa bag-ong minimum wage order aron mapakita ngadto sa mga employer.
Kini subay sa gibutyag ni DOLE 9 Regional Director Albert E. Gutib, subay usab sa bag-ong gipagulang wage order no. RIX-24 nga giaprubahan sa Regional Tripartite Wages and Productivity Board (RTWPB).
Pagpasabot sa Director, kun naay mga empleyado nga wala gihapon gihatagan ug usbaw suhulan sa ilang mga employer mamahimo nga mobisita ang empleyado sa buhatan sa DOLE 9 o NLRC aron makafile sa request assistance.
Mamahimo sab matod pa nga maghimo sa online filing ang mga empleyado nga wala kadawat sa usbaw suhulan pinaagi sa arms.dole.gov.ph aron maka request ug assistance online.
Photo Courtesy:dole9zampen
