Gibutayag sa Department of Agriculture (DA) nga ilang lugwayan karong tuiga ang Php20 per kilo nga programa sa bugas. Kabahin ang nasangpit nga programa sa plano sa gobyerno nga maabot ang 15 milyones ka mga panimalay sa katapusan sa 2026.
Kini tungod ang gobyerno migahin ug Php 23 bilyones karong tuiga aron i-subsidize ang Php20 nga programa sa bugas nga unang gipuntirya ang anaa sa huyang nga mga sektor. Matod ni Agriculture Secretary Francisco Tiu Laurel Jr, ang nasangpit nga programa nagsugod lamang alang sa 4Ps beneficiaries, persons with disabilities, single parents ug senior citizens.
Dugang niini nga karong tuiga ilang target ang 15 milyones ka panimalay o mga 60 milyones ka mga Pilipino. Giklaro sa opisyal nga magpabilin gihapon ang limit sa pagpalit aron ilang madumala ang suplay sa bugas.
Photo Courtesy: DA
