Andam na ang syudad sa Tagum alang sa pagpatuman sa Business One-Stop Shop (BOSS) 2026 nga magsugod kagahapong adlawa Enero 5, 2026.
Pagahimuon ang BOSS 2026 sa Atrium sa Tagum City Hall ug sa pipila ka nagkalain-laing opisina sa lokal nga kagamhanan, tumong nga mapadali ug mapapaspas ang pagkuha ug pag-renew sa business permit sa mga negosyante sa nasangpit nga syudad.
Sumala sa Tagum City Government, gipahapsay na ang proseso pinaagi sa pag-streamline niini ngadto sa tulo ka sayon nga lakang, una ang Assess, Pay, ug Release (APR), aron malikayan ang dugay nga linya ug balik-balik nga lakang sa pagproseso.
Gidasig usab ang tanang Tagumenyo nga magpadayon sa husto ug tukmang pagbayad sa buhis, nga giila isip dakong hinungdan sa padayon nga kalamboan ug paglambo sa syudad sa Tagum.
