Gisunog sa usa ka mag-uuma ang iyang tubohan sa Barangay Paco, Kidapawan City, niadtong milabayng adlaw, nga gikabalaka sa mga personahe sa mga Bureau of Fire Protection Kidapawan ug sa mga residente nga duol sa lugar.
Sa pakighinabi sa Juander Radyo News Team kay FO1 Johnn Paul Cañeda ang Operation Staff sa Bureau of Fire Protection Kidapawan, nakadawat ang ilang buhatan og tawag bandang alas 9:47 sa buntag, hinungdan nga dali kining giaksyonan sa BFP.
Dugang pa, nga ang open burning wala gibawal ilawom sa balaod, apan kinahanglang mokuha og fire safety clearance gikan sa BFP.
Gisaysay niini, nga ayha mohatag og clearance ang BFP moagi pa kini sa mga proseso sama sa assessment aron masiguro nga walay madamay sa maong pagsunog.
Gihatagan ni Cañeda ug gibug-aton, nga adunay tulubagon ang bisan kinsang mohimo niini nga walay koordinasyon sa BFP.
Pahimangno niini sa mga mag-uuma, nga kinahanglang sundon o mokuha usa og clearance gikan kanila, aron masigurong luwas ang ilang pagsunog ug aron dili makalapas sa balaod.
