Daling girespondihan sa mga personahe sa City Disaster Risk Reduction and Management Office (CDRRMO) ang usa ka insidente may kalabotan sa panagbangga sa usa ka sakyanan ug motorsiklo sa Crossing Bliss, National Highway, Brgy. Sainz, Mati City, Davao Oriental pasado alas 7:15 sa buntag niadtong nakalabay nga adllaw.
Dali usab nga gidala sa Davao Oriental Provincial Medical Center ang drayber sa motorsiklo kinsa nakahiagom ug samad bun-og sa lawas alang sa medical nga attensyon.
Sa karon padayon pa ang imbestigasyon sa kapulisan aron masuta ang tinuod nga hinungdan sa maong insidente. Samtang nagpahimangno usab ang mga otoridad nga mag amping sa pagbyahe ilabina nga danlog ang kadalanan.
