Gibisita ug gimonitor sa DOST Regional Office IX pinaagi sa Provincial Science and Technology Office – Zamboanga Sibugay Province (PSTO-ZSP) ang mga proposed ug ongoing projects sa probinsya sa duha ka adlaw. Ang aktibidad gipangulohan ni Provincial S&T Director Jennifer A. Pidor uban sa PSTO-ZSP personnel.
Ang mga gi-monitor nga proyekto sakop sa mga major programs sa DOST sama sa Small Enterprise Technology Upgrading Program (SETUP), Grants-in-Aid (GIA) Program, ug Community Empowerment through Science and Technology (CEST) Program. Gisusi sa team ang tinuod nga kahimtang sa proyekto aron masiguro ang pagsunod sa dokumentaryo ug guidelines sa tagsa-tagsa ka programa.
Giatiman usab ang mga project proponents, cooperators, ug beneficiaries pinaagi sa pagtabang sa pag-identify sa mga problema sa implementasyon, paghatag og rekomendasyon, ug pagsiguro nga ang mga interventions sa science, technology, ug innovation (STI) mohatag og tinuod nga benepisyo sa mga enterprises ug komunidad sa probinsya.
Photo Courtesy to:DOST ZAMBOANGA SIBUGAY
