Giguba sa mag-igsuong Caren ug Jeric Bucol ang gihalad nga bulak sa Local Government Unit (LGU) sa Digos City nga giplastar sa ganghaan sa Digos City Hall.
Sumala sa mag-igsuon, wala nila gikalipay ang gihalad nga bulak tungod kay human sa 22 ka adlaw sa paghaya,karon pa sila nakahimo sa paghalad, samtang ning adlawa na usab ilubong ang ilang pinalanggang igsuon nga si Barangay Tres de Mayo Kapitan Oscar “Dodong” Bucol Jr.
Gipahayag usab sa mga igsuon nga mas angay unta nga mas sayo gihimo ang paghatag og pakikiramay ug pagtagad sa kahimtangan sa ilang pamilya.
Hisayran niagi ang karo nga gibutangan sa lungon ni Kapitan Oscar “Dodong” Bucol Jr. sa tugkaran sa Digos City Hall, sa wala pa kini midiretso paingon sa Digos Memorial Cemetery alang sa iyang katapusang pahulayan.
