Gipangulohan gihapon sa Philippine Airlines (PAL) ang lista sa pinakapunctual nga airline sa Asia-Pacific sa Nobyembre, sumala sa aviation analytics firm nga Cirium.
Sa November 2025 On-Time Performance Monthly Report, nakarekord ang PAL og 84.67% on-time arrival rate ug nahuman ang 96.31% sa 9,739 ka naka-iskedyul nga flight sa maong bulan. Ang uban pang metrics nagpakita nga 80.62% sa flights nahuman sulod sa block time, samtang 81.45% ang on-time departures.
Misunod sa PAL sa regional rankings ang Korean Air (83.72%), Jeju Air (83.25%), Japan Airlines (80.87%), ug ANA Airlines (80.68%).
Gisukod sa Cirium ang punctuality base sa pag-abot o pagbiya sa eroplano sulod sa 15 minutos gikan sa giiskedyul nga oras.
Ang report nagpamatood nga nagpabilin nga lig-on ang serbisyo sa PAL sa rehiyon ug nagpadayon sa paghatag og kasaligan nga biyahe sa mga pasahero.
SOURCE: PHILSTAR
