Gitunol ngadto kang Jimmy Andrecoso ang tabang pinansyal nga gikan sa kapunungan sa Juander Radyo Loyalista Incorporated ug RSV Group of Companies, human sa pagpanaw sa iyang inahan nga si Ginang Tarcisa L. Boto.
Ang namatay usa ka miyembro sa Juander Radyo Loyalista ug residente sa Brgy. Balubabal, Cagayan de Oro City.
Samtang, gitunol usab ang laing death assistance ngadto sa anak ni Ginang Sofia F. Peligro, laing miyembro sa Juander Radyo Loyalista nga nitaliwan nga nagpuyo usab sa Villa Candida, Brgy. Bulua sa syudad.
Kauban sa paghatag sa tabang ang Coordinator nga si Arceile D. Canduntol. Mapasalamaton ang mga benepisyaryo nga si Andrecoso ug ang anak ni Peligro sa Juander Radyo, lakip na ang ilang mga coordinator, tungod sa tinud-anay ug kinasing-kasing nga tabang nga ilang nadawat gikan sa mga Loyalista.
Gina-awhag usab nila ang ubang katawhan nga magpamiyembro na sa Juander Radyo Loyalista aron makasuporta ug makatabang sa mga programa sa Cagayan de Oro ug Misamis Oriental Chapter.
