Mitala sa 43.3 % nga highest “poverty incidence” ang probinsiya sa Zamboanga del Sur, segon pa sa Department of Labor and Employment (DOLE) Zamboanga del Sur Provincial Field Office, subay sa ulahing survey nga gihimo sa Philippine Statistics Authority (PSA).
Kini subay sa gibuyag ni Chief LEO Miraflor Casanes, sa DOLE Zamboanga del Sur atol sa press conference sa media karong bag-o.
Dugang pa ni Casanes nga naay Top 10 nga lungsod sa probinsiya, ang nakasinate og kalisod sa panginabuhi sa ilang pamilya, samtang dinhi sa syudad ubos ang natala sa poverty incidence.
Segon sa opisyal, ang poverty incidence survey gihimo isip sukdanan aron mahibaw-an sa gobyerno, unsa kadaghan sa pamilya ang angay tabanganan og unsa nga programa ang haom nga ipatuman sa dole aron malingkawas sa kalisod sa panginabuhi ang katawhan.
Sa karon wala pa nila makab-ot ang target sa Poverty Threshold sa probinsiya nga dapat ang usa ka pamilya kinihanglan mo-income kini og sobra Php13,000 mil ka pesos kada-bulan aron masuportahan ang galastuhanan sa lima ka membro sa pamilya.
Photo Courtesy to: PSA ZAMBOANGA DEL SUR
