Giduso karon sa hawanan sa konseho sa Nabunturan ang pag amyenda kon pagtaas sa revenue kon bayad sa buwis ngadto sa local nga Panggamhanan sa tanang negosyo sa lungsod, atol sa gipahigayong 24th Regular Session Sangguniang Bayan Nabunturan Disyembre 16, 2025.
Sumala ni SB member Rodel Balili nga ang local code nagbutyag nga kada 5 ka tuig pwedeng amyendahan ang hatagong buwis sa mga Negosyante sa lungsod, ug panahon na nga hatagan ug pagtagad ang pagpataas niini tungod kay nagtaas na ug mahal na usab ang mga palaliton karon.
Hinuon gipaniguro ni Balili , nga masunod ang gihatag nga limitasyon sa tax rate gikan sa Bureau of Local Government Finance (BLGF) nga 10 percent matag tuig, ug gani ang ilaha lamang rekomendasyon anaa lamang sa 7.7 percent matag tuig.
