Mibalik na ang buga sa makina sa motocross samtang andam na ang mga riders gikan sa tibuok Mindanao alang sa Mindanao-Wide Motocross nga ipahigayon sa Mindanao Civic Center Race Track sa Sagadan, Tubod, Lanao del Norte karong Disyembre 20–21, 2025.
Ilado ang Lanao del Norte isip Motocross Capital sa Pilipinas, ug sa pagbalik sa maong kalihokan, ipakita pag-usab sa mga riders ang ilang kahanas, kusog, ug determinasyon sa track.
Gidapit ang tanang mga tumatan-aw ug mahiligon sa sports nga motambong sa trackside aron masaksihan ang kadasig ug aksyon sa motocross nga mibalik sa probinsya human sa dugay nga pagpahulay.
Ang maong kalihokan nagpamatuod sa padayon nga pagpalambo sa sports ug sa aktibong partisipasyon sa komunidad sa Lanao del Norte.
Photo courtesy to: SunStar
