Gipahibalo sa GCash ang paglunsad sa GCash Virtual US Account, usa ka bag-ong feature nga nagtugot sa mga Filipino freelancer nga makadawat sa ilang bayad direkta sa US dollars pinaagi sa e-wallet.
Tumong sa bag-ong serbisyo nga mapugngan ang dakong kaltas nga kasagaran nasinatian sa mga freelancers tungod sa platform fees, currency conversion charges, ug transfer costs. Pinaagi sa Virtual US Account, ang mga freelancer makadawat sa ilang kita nga walay awtomatikong conversion sa piso.
Gihatagan usab og kontrol ang mga user sa pagpili kung kanus-a nila i-convert ang ilang USD ngadto sa PHP, base sa live ug updated forex rates nga makita direkta sa GCash app.
Sumala sa GCash, ang bag-ong feature nagtabang sa mga freelancer nga makuha ang tibuok kantidad sa ilang kita ug malikayan ang mga delay sa pagbayad, nga dugay nang problema sa industriya sa freelancing.
Photo Courtesy to:Rappler
