Nagpakanaog na og Status Quo Ante Order ang Supreme Court en banc kalabot sa disqualification case ni Vice Governor Marc Douglas IV Chan Cagas, base sa resolusyon nga gipagula kaniadtong Desyembre 3, 2025.
Sumala sa maong resolusyon, gimandoan ang mga partido nga ibalik ang kahimtang sa wala pa magpagula og desisyon ang Commission on Elections (Comelec). Buot ipasabot niini nga padayon nga Vice Governor si Marc Cagas, ug ang mga desisyon sa Comelec 2nd Division ug Comelec en banc nga nagdisqualify kaniya temporarily ipahimutang sa side hangtod makapagula ang pinal nga desisyon ang Korte Suprema.
Tungod niini, nagpabilin ang legal nga status ni Marc Cagas isip Vice Governor sa Davao del Sur samtang nagpadayon ang paghusay sa kaso sa Supreme Court. Busa, sa kasamtangan, dili sakto nga tawgon siya og “kanhi,” “former,” o “ex” Vice Governor.
Photo Courtesy to: SUNSTAR DAVAO
