Sikop ang usa ka lalaki kinsa nagpayuhot sa ginadiling drogang shabu pinaagi sa gilusad nga drug buy-bust operation sa kapulisan sa brgy. Obay, lungsod sa Polanco Zamboanga Del Norte niadtong Disyembre 13, 2025.
Wala na hinganli ang suspetsado, 22-anyos kinsa nasakmitan sa tulo ka gagmayng pakete sa shabu nga motimbang ug 1 ka gramo nga nagkantida ug Php6,800.00 lakip na mga non-drug items.
Gipangunahan sa mga personahe sa Polanco Municipal Police Station ang maong operasyon hinungdan sa malampusong pagkasikop niini.
Anaa na tingkagol sa selda sa Polanco MPS ang dinakpan ug mag-atubang sa kasong paglapas sa RA 9165 kon Comprehensive dangerous Drugs act of 2002 samtang ang nakumpiska nga mga ebidensya ang giturnover ngadto sa Zamboanga Del Norte Provincial Forensic Unit alang sa eksaminasyon.
Photo Courtesy: Polanco MPS
