Estrikto ang National Meat Inspection Service (NMIS) Caraga sa pagpatuman sa post-abattoir inspections karong panahon sa kapaskohan, diin mas taas ang konsumo sa karne.
Gisusi ug giinspeksyon sa maong ahensya ang gipamaligya nga karne sa merkado sa tibuok rehiyon, lakip na ang mga establisemento, aron masiguro nga luwas kini kaonon, bisan pa man kini baboy o manok.
Sumala sa NMIS Caraga, sa panahon sa festive season, gipahimangnoan ang mga konsumante nga magbantay sa pagpalit ug pilion lamang ang karne nga gikan sa akreditadong tinubdan, nga adunay Meat Inspection Certificate (MIC) o meat inspection seal. Likayan ang mga produkto nga walay klarong kaluwasan.
Gilauman sa NMIS Caraga nga ang selebrasyon sa Pasko ug Bag-ong Tuig mahimong safe, meaningful, ug malipayong alang sa tanan.
Photo courtesy: NMIS-Caraga
