Nikatag ang bag-ong showbiz chika nga karon nga matod pa nag-live in na ang Kapamilya stars nga sila Kim Chiu ug Paulo Avelino.
Sa pinakabag-ong episode sa “Showbiz Update” ni Ogie Diaz, giukay sa iyang kauban nga si Oliver Carnay kung tinuod ba ang nikalat nga balita bahin sa duha ka artista.
Sumala kang Oliver, adunay nakasulti kaniya nga gusto gyud niyang direkta nga pangutan-on si Kim Chiu kung nag-live in na ba sila ni Paulo. Nakurat pa gani si Ogie sa kalit nga gipabuto ug miingon nga lisod hatagan og komento ang maong chika kay hangtod karon, wala pa man gyud miangkon ang duha kung tinuod ba.
Bisan pa niana, matod ni Ogie, wala may dautan kung tinuod man gani ang chika kay pareho ra man silang single. Midugang pa si Mama Loi nga basin malipay pa gani ang ilang fans kung tinuod ang balita.
Sa karon, nagpabilin nga chismis lang ang tanan kay wala pa’y opisyal nga pahayag gikan sa kampo nila Kim ug Paulo.
via: Kim Chiu/Paulo Avelino
