Opsiyal nang gilunsad sa Department of Information and Communications Technology (DICT) Caraga ang Oplan Paskong Sigurado, usa ka halapad nga kampanya aron ipahibalo sa publiko ang kahinungdanon sa pagka maampingon ug pagbantay sa personal nga impormasyon ug kwarta karong Pasko.
Gipasabot sa DICT Caraga nga sa kasamtangan, daghan ang naggamit sa online shopping, diin posible nga adunay scams ug pagpangilad, busa gikinahanglan ang kanunay nga pagtamod sa mga safety measures.
Ang tambag sa ahensya mao ang pagpamalit lamang sa mga lehitimo ug beripikadong sellers, pinaagi sa pagsusi sa ilang website ug pagkahibalo kung adunay klarong contact details.
Gipahimangnoan usab ang publiko nga mag-amping sa paggamit sa payment options ug magbantay batok sa sobra ka barato nga mga diskwento, kay kini usa ka red flag sa scams. Likayan ang paghatag sa detalye sa credit cards o paggamit sa dili beripikadong links aron malikayan ang financial fraud.
Importante usab ang pagsusi sa website security aron maprotektahan ang personal nga impormasyon gikan sa mga nagapangayo niini nga dili lehitimo.
Photo courtesy: DICT-Caraga
