Nipaambit ang Cybercrime Investigation and Coordinating Center (CICC) nga nimenos ang ihap sa mga natala nga insidente sa online scam karong holiday season samtang misaka ang porsiyento sa mga dinakpan nga may kalabotan niini.
Matod ni CICC Executive Director Renato Paraiso, bisan og gipaabot ang kaylap ug face-to-face execution sa online scams, nius-os og gamay ang gidaghanon sa mga krimen nga may kalabotan niini nunot sa sunodsunod nga pagkasikop sa mga indibidwal nga nagpaluyo niini.
Dugang pa niya nga pipila sa gibantayan sa ilang ahensya mao ang pag-usbaw sa mga love scam ingon man online shopping scams, delivery scam ug bisan ang travel scam karong holiday season.
Gipasabot ni Paraiso nga mas midagsang karon ang mga online shopping scam ilabi na kay nasayod ang mga kawatan o scammers nga taliabot na ang Christmas bonus ug 13th month pay nga mahimong entry point nila sa pagpangilad sa publiko.
Photo Courtesy to: ArmourZero
