Mokabat sa Php916, 000 nga kantidad sa smuggled nga mga sigarilyo ang nakumpiska sa kapulisan atol sa gipahigayong law enforcement operation sa Barangay Poluyagan, Pagadian City, adlaw’ng Miyerkules, Disyembre 10, 2025.
Gikasa ang operasyon sa CIDG RSOT, Pagadian CPS, Zamboanga del Sur Provincial Intelligence Unit ug Bureau of Costums Zamboanga del Sur nga miresulta sa malampusong operasyon.
Nakumpiska atol sa operasyon ang napulo ka master cases sa Cannon cigarettes, usa ka master cases sa Brave cigarettes, 250 ka mga reams sa cannon cigarettes, ug usa ka master cases.
Sa kinatibuk-an mokabat sa 11 ka mga master cases ug 250 reams ang nakumpiska sa kapulisan nga karon gitugyan na ngadto sa Bureau of Costums.
Matod pa niadtong panahona, nakahimo sa pag-ikyas ang mga suspetsado human nakamatikod sa presensya sa kapulisan.
Ang mga nakumpiskang butang giturn-over ngadto sa Bureau of Customs Pagadian City alang sa safekeeping ug tukmang lakang.
Photo Courtesy to: PD ZSPPO, PRO9
