Gidasig sa Department of Labor and Employment (DOLE) Region 9 ang tanang mga Local Government Unit nga mag-imbitar ug daghang mga investors sa matag munisipalidad aron makunhuran ang ihap sa mga indibidwal nga walay trabaho sa Zamboanga Peninsula.
Matod ni DOLE Region 9 Regional Director Albert E. Gutib, sa karon mas gipalig-on nila ang panagtambayayong tali sa mga LGUs pinaagi sa mga PESO Managers alang sa job vacancy solicitations aron makabaton ang mga walay trabaho ug trabaho base sa ilang gikinahanglan.
Gisaysay ni Director Gutib, kinahanglan lantawon ang mga kahibalo o kahanas nga gihuptan sa usa ka indibidwal aron ilang ma-tap ang TESDA 9 aron sila mahatagan ug dugang kahibalo kabahin sa gikinahanglan sa pagpanarbaho.
Una nang gisaysay ni Director Gutib nga doble ang nahitabo nga pagsaka sa unemployment rate karon sa Zamboanga Peninsula nga matod pa dili tiaw nga pagsaka nga nagkinahanglan ug pagtagad sa gobyerno.
Photo Courtesy to: DOLE 9
