Gitabang sa mga personahe sa BFP Aurora ang mga lalaki nga nakuryentehan samtang nagtaod ug solar light sa Purok Madasigon, Barangay Romarate, Aurora, Zamboanga del Sur, adlaw’ng Martes, Disyembre 9, 2025.
Matod pa ni Kapitan Rudy Makababayao, tulo ka mga lalaki ang mitaod sa maong solar light sa barangay apan aksidente nga nasaghid ang tubo sa solar ngadto sa linyada sa live wire hinungdan sa hitabo.
Sa tulo ka mga lalaki nga nagtaod ug solar, duha ang nalagpot ug usa ang nahibilin nga nipilit sa poste nga nailang si Billy Macalitong nga mao ang naka-angkon sa grabeng mga samad ug paso sa lawas nga gitabangan sa BFP personnel sa pagpailawom sa CPR.
Ang tulo ka mga biktima dali nga gidala sa pinakaduol nga tambalanan aron kadapatan ug tambal apan usa ang gideklara nga dead on arrival sa attending physician.
Wala usab gikabutyag sa Kapitan ang pangalan sa mga biktima nga pulos lang sakop sa usa ka solar company nga nagtaod ug solar lights sa maong barangay.
Photo Courtesy to:Istock
