Nadisgrasya human nawad-an og kontrol sa brake ang usa ka Hyundai truck bus sa Sitio Salaran, Brgy. Sto. Niño, Talaingod, probinsya sa Davao del Norte ning bag-ohay lang Disyembre 9, 2025.
Sumala sa inisyal nga imbestigasyon sa Talaingod Municipal Police Station, ang maong truck bus gimaneho ni Ernesto Alicha, ug nagdagan sa dalang Bukidnon padulong sa Bislig City, Surigao del Sur, diin adunay sakay nga 21 ka mga pasahero.
Samtang anaa na sila sa kurbadang bahin, gituohang nawad-an og brake ang sakyanan, hinungdan sa pagkawala sa kontrol sa maong driver, nga misangpot sa pagka-haybol niini.
Gani, upat ka mga pasahero ang nasamdan ug daling gidala sa Kapalong District Hospital aron mahatagan og medikal nga atensyon.
Sa pagkakaron, padayon pa ang gihimong imbistigasyon sa otoridad kalabot sa maong insedente.
