Miubos na usab ang peso batok sa dolyar human kini niabot og Php59.22 matag $1 niadtong Martes, Disyembre 9, 2025.
Kini ang pinakaubos nga lebel sa kasaysayan sa nasod, nga milabaw sa kanhing record nga Php59.17 niadtong Nobyembre 12, 2025. Nagsugod ang tuig sa Php55 matag $1 apan anam-anam nga nihuyang ang peso tungod sa taas nga inflation ug kusog nga dolyar.
Usa ka dakong hinungdan mao ang padayon nga taas nga interest rate sa US Federal Reserve, nga nakapalig-on sa dolyar ug nagbutang sa pressure sa mga nag-uswag nga merkado.
Matod sa Bangko Sentral ng Pilipinas, padayon ang ilang pag-monitor sa sitwasyon ug andam silang mag intervene aron mamintinar ang kalig-on sa peso.
Ang pag-ubos sa peso maoy hinungdan sa pagtaas sa presyo sa mga imported nga palaliton sama sa petrolyo ug pagkaon, nga direktang nakaapekto sa mga konsumedor.
Photo Courtesy to: Business World Online
