Nadakpan sa kapulisan sa Gingoog City ug Villanueva Police Station ang duha ka Most Wanted Persons sa lahi-lahi nga operasyon niadtong mga nakalabay nga adlaw.
Sa unang operasyon sa Brgy. 22-A, Gingoog City, nasikop ang Top 4 Most Wanted Person nga lalaki, pinasikad sa Warrant of Arrest alang sa kaso nga Rape, No Bail Recommended.
Sa sunod nga operasyon niadtong Disyembre 6 sa Brgy. Lo-oc, Villanueva, Misamis Oriental, gisikop usab ang usa ka lalaki nga Top 10 Regional Most Wanted Person alang sa kaso nga Murder, pinaagi sa Warrant of Arrest nga giisyu ni Hon. Adelyn P. Alvarado sa RTC Branch 27, usab No Bail Recommended.
Ang duha ka suspetsado gidala sa GCPS alang sa dokumentasyon ug ipasaka sa mga korte nga nag-issue sa ilang mga warrant para sa tukmang disposisyon.
SOURCE: GINGOOG CITY POLICE STATION
