Gihingusgan ang freeze order sa Anti-Money Laundering Council (AMLC) sa Php13-bilyon nga assets nga nalambigit sa kontrobersyal nga flood control projects. Niadtong Huwebes, mi-isyu ang Court of Appeals (CA) sa order nga naglakip sa usa ka pribadong construction firm nga giila nga adunay pinakadaghan nga suspected ghost flood control projects, ug sa uban pang entities ug indibidwal nga nalambigit sa operasyon niini.
Natabunan sa order ang 280 ka bank accounts, 22 insurance policies, tulo ka securities accounts, ug walo ka air assets. Gibase sa korte, aduna’y igong rason nga ikonektar kini sa posibleng paglapas sa Republic Act 3019 (Anti-Graft and Corrupt Practices Act) ug malversation of public funds ubos sa Article 217 sa Revised Penal Code.
Gipadayag ni AMLC Executive Director Matthew David nga kini nga lakang nagpakita sa padayon nga determinasyon sa council sa pagpanalipod sa pondo sa publiko ug sa pag-recover sa tanang posible nga napahimulosang kwarta. Sa pagkakaron, na-freeze na ang 4,679 bank accounts, 283 insurance policies, 255 motor vehicles, 178 real properties, 16 electronic wallet accounts, ug tulo ka securities accounts nga nalambigit sa mga anomalya sa flood control, nga nagkantidad og Php13 bilyon ug nagpadayon ang imbestigasyon.
SOURCE: PNA
