Nagpagawas og opisyal nga pamahayag ang Digos City Police Station (CPS) kalabot sa gihimong komprehensibo nga imbestigasyon sa bag-ong nahitabong pagpangawat sa Barangay San Miguel, Digos City.
Sumala sa Digos CPS, padayon ang ilang mga imbestigador sa pagtrabaho aron masuta ang tibuok detalye sa insidente.
Kasamtangang nagtinabangay ang kapulisan ug ang biktima samtang ginareview ang tanang ebidensiya lakip na ang mga CCTV footage ug sworn statements aron masiguro nga walay anggulo sa kaso ang malaktawan.
Gipunting usab sa kapulisan ang pagpadayon sa ilang crime-prevention reminders ug safety tips pinaagi sa Oplan Bandillo, IEC distribution, social media advisories ug community dialogues, nga nagtinguha sa pagpanalipod sa komunidad gikan sa krimen.
Giawhag nila ang publiko nga seryosohon kini nga mga pahimangno alang sa personal nga seguridad.
Gipasabot sa Digos CPS nga sila, kauban ang tibuok Philippine National Police, nagpabilin nga committed sa pagpreserbar sa kalinaw ug kahusay sa Digos City.
Gisaad usab sa kapulisan nga dili nila pasagdan ang maong kaso ug ilang buhaton ang tanan aron masulbad kini sa labing dali nga panahon, pinaagi sa professionalism, diligence ug dedication to service.
Nagpasalamat usab ang Digos CPS sa padayon nga suporta ug kooperasyon sa komunidad samtang nagtinabangay aron makab-ot ang usa ka himsog, luwas ug mas gi-ampingan nga Digos City.
SOURCE: DIGOS CPS CAD
