Napuno sa kalipay ang mga dealers ug coordinators sa RSV Lifecare Marketing Incorporated ug Juander Radyo Loyalista Incorporated, human ang malampusong Christmas Party nga gipahigayon sa Notre Dame of Kidapawan College Gymnasium, adlawng Sabado Disyembre 6, 2025.
Nahimong mabulukon usab ang maong aktibidad, pinaagi sa pasundayag sa mga dramatista, diin lain-laing emosyon ang gibati sa mga tumatan-aw.
Niambak usab sa kalipay si Resly Saligumba nga taga Barangay Ballite, Magpet, Cotabato, human gianunsyo nga siya ang nidaog sa bag-ong XRM nga motorsiklo.
Gipasalamatan usab ni Merry Joy Mabasa ang Station Manager sa 87.7 Juander Radyo Kidapawan ug Precila Mae Pilapil ang Branch Manager sa RSV Lifecare Marketing Incorporated – Kidapawan, sa tanang mga dealers ug coordinators gikan sa lain-laing munsipyo sa North Cotabato, nga nihatag gayud sa ilang oras aron makasalmot sa pinaka unang Dealers ug Coordinators Christmas Party.
