Narekober sa mga personahe sa General Santos City Police Office ang usa ka sakyanan nga gikarnap kagahapong adlawa pasado alas 9:00 sa buntag bahin sa Brgy. Apopong, General Santos City.
Gumikan sa hiniusang pwersa sa Highway Patrol Group, ug Police Station 7 sa pagpanguna ni PCOL NICOMEDES OLAIVAR JR. nadakpan ang gi-alegarang mikarnap sa 2025 Nissan Patrol nga sakyanan gikan sa auto shop.
Giila ang suspek nga si Jimar Taburnal, hamtong ang pangidaron ug taga Bukidnon. Diin ang maong sakyanan narekober sa mga otoridad sa Blk.7, Zone 9A, Brgy. Fatima sakop sa nasampit nga syudad.
Nasayran nga empleyado lang matod pa sa tag-iya sa sakyanan ang maong karnaper og plano niini nga isibat ang sakyanan gumikan gitanggal kini sa trabaho rason nga nakig-gukdanay kini sa kapulisan.
Sa pagkakaron gikustodiya na sa mga otoridad ang karnaper samtang nagpadayon ang imbestigasyon kalabot sa maong indsidente.
Photo Courtesy to:General Santos City Police
