Nakatala ang probinsya sa South Cotabato ug 142 ka aktibong resulta sa Human Immunodeficiency Virus kon (HIV) base sa screening nga gihimo gikan sa Enero hangtod Septiyembre 2025.
Gipahibalo kini ni John Arlo M. Codilla, labaw sa Disease Prevention and Control Unit sa Integrated Provincial Health Office (IPHO), atol sa senemanang press briefing.
Matod ni Codilla, ang mga bag-o nga kaso narekord sa nagkalain-lain nga lugar ug syudad sa probinsya, lakip ang Koronadal City, Polomolok, Tupi, Tampakan, Surallah, Banga, Lake Sebu, T’boli, ug duna pay pila ka indibiduwal nga wala pa madeterminar kun asa nagpuyo.
Sa pagkakaron, mokabat na sa 1,278 ang kinatibuk-ang ihap sa mga kaso sa HIV sa South Cotabato, nga gikonsiderar nga labing taas sa tibuok Rehiyon XII.
Padayon nga nanawagan ang IPHO sa publiko nga magmabinantayon, magpahigayon og regular nga HIV testing, ug magpakonsulta dayon aron malikayan ang padayon nga pagkuyanap sa maong sakit sa probinsiya.
Photo Courtesy to:Healthday
