Gitakda na sa Department of Agriculture (DA) ang maximum suggested retail prices (MSRP) sa karneng baboy sa dili pa ang Pasko.
Sugod sa Disyembre 5, 2025, ang presyo sa liempo dili molapas sa ₱370/kilo, samtang ang kasim ug pigue anaa sa ₱330/kilo.
Matod ni DA Secretary Francisco Tiu Laurel Jr., ang tumong niini nga lakang ang pagpanalipod sa mga konsyumer gikan sa taas nga presyo, nga miabot pa og ₱480/kilo sa unang bahin sa Nobyembre.
Pabilin usab ang minimum farm-gate price nga ₱210/kilo aron masiguro ang kita sa mga tig-alima og baboy.
Photo courtesy: Department of Agriculture
