Gipahayag sa aktres ug negosyante nga si Ellen Adarna nga nakaangkon siya og klarong “sign” gikan sa uniberso nga nagkumpirma sa iyang desisyon sa pagbulag sa bana nga si Derek Ramsay.
Sa iyang Instagram Stories, giingon ni Ellen nga dugay na siyang nagapangita og timailhan aron masayran kung sakto ba iyang desisyon, ug matod pa niya, “grabe, we all cried” dihang midangat kini kaniya.
Ang maong “sign” miabot pinaagi sa usa ka artwork nga gihatag sa iyang higala nga si Lynyrd Paras, nga eksaktong nagtudlo sa mensahe nga iyang gipangayo. Matod ni Ellen, nakapahupay kini sa iyang pagbati ug nagpalig-on sa pagtuo nga sakto ang iyang gibarugan.
Photo Courtesy to: Fashion Pulis
