Gipasidunggan sa kagamhanan sa siyudad sa Sugbo sa pagpangulo ni Mayor Nestor D. Archival Sr., ang kinabuhi og legasiya sa kanhi gobernador, mayor, ug congressman Sergio “Serging” Osmeña Jr. sa usa ka programa nga gipahigayon sa Plaza Sugbo kagahapon.
Gipsaugdahan sa Cultural and Historical Affairs Commission (CHAC), gihandom ang legasiya ni Osmeña sa pila ka dekada niya nga pagserbisyo sa katawhanog sa mga natampo niini sa Sugbo.
Nitambong sa maong kalihukan naglakip nila ni Cebu Governor Pamela Baricuatro, mga miyembro sa Sangguniang Panlungsod sa Siyudad sa Sugbo, department heads, mga representante sa managlahi nga ahensiya sa gobyerno, ug mga kabanay sa pamilya Osmeña.
Lakip sa nitambong mao si CHAC Commissioner Ahmed Cuizon, Col. George Ylanan, Officer-in-Charge sa Cebu City Police Office, mga membro sa Armadong Kusog sa Pilipinas; og uban pa nga mga bisita.
