Nadawat na sa munisipyo sa Liloan, Cebu kagahapong adlawa, Disyembre 2, 2025, ang ₱500,000 nga nakolekta sa Midsayapenyo isip hinabang alang sa mga pamilyang naapektuhan sa bagyo.
Personal nga gitunol ni Midsayap Cotabato Mayor Rolly Sacdalan ang hinabang, ngadto kang Bise Mayor Margarita Frasco sa tunga-tunga sa ilang sesyon, uban sa mga sakop sa Sangguniang Bayan sa Midsayap nga gipangulohan ni Bise Mayor Manuel Rabara.
Ang mga opisyal sa Liloan nipadayag sa ilang kinasingkasing nga pagpasalamat sa nadawat nga hinabang pinansyal nga dakong kontribusyon alang sa mga pamilya nga grabeng naapektuhan sa kalamidad.
Samtang, gipasalamatan ni Mayor Sacdalan ang tanang madagayaong mihatag og tabang, pruweba sa pagpakabana ug panaghiusa sa matag Midsayapenyo.
Photo Courtesy to: Midsayap infos
