Gibida karon sa Davao Norte Police Provincial Office (DNPPO) ang mga kalampusan nga ilang naangkon sa mga gipahigayong Simultaneous Anti-Criminality Law Enforcement Operations gikan Nobyembre 1-30, 2025.
Mapasigarbuhon nilang gipahibalo ang naangkong kadaugan kalabot sa Illegal nga droga diin nagpahigayon sila og 72 ka operasyon nga miresulta sa pagka-aresto sa 89 ka mga indibidwal ug ang pagkakompiska sa mokabat Php7,991,749.14 nga ilegal nga droga base sa Standard Drug Price.
Nasikop usab ang 30 ka mga gikonsederang Most Wanted Person ug ang pagkasikop sa 38 ka mga Other Wanted Person sa katibuk-ang probinsya sa Davao del Norte.
Photo Courtesy to : DNPPO
