Misalmot ug mihatag sa iyang mensahe si Ms. Universe 2018 Catriona Gray sa “Trillion Peso March” sa People Power Monument sa EDSA kagahapong adlawa, uban sa libo-an nga mga Pilipino nga nagprotesta batok korapsyon.
Sa iyang pamahayag, gihangyo niya ang Office of the Ombudsman nga pormal nga magpasaka ug kaso batok sa mga opisyal nga nalambigit sa anomalya, ug gi-awhag usab ang Senado ug Kongreso nga suspensuhon ang mga senador nga naa sa listahan sa imbestigasyon ug ipasar na ang anti-dynasty bill.
Dugang pa ni Catriona nga ang katawhan dili unta kalimtan ang nahitabo ug walay mag-move on hangtod walay manubag.
Ang Trillion Peso March usa ka dakong pagpakita sa kagustohan sa katawhan nga makabaton og hustisya, accountability, ug tinuod nga reporma sa pangagamhanan.
Photo courtesy: Rappler
