Gitudlo sa Bureau of Fire Protection (BFP)ang husto nga paggamit sa Fire Extinguisher sa panahon sa sunog kaniadto ug karon. Sumala ni SFO1 Maricel Jilhaney ang ADMIN CHIEF OF OPERATION sa BFP Sibugay nga ang standard niini mao ang 9 -10 feet gikan sa nasunog nga butang.
Gikinahanglan kining mahibaloan sa katawhan aron mapugngan ang pagdako sa kalayo. Importante nga hunahunaon ang sitwasyon ug likayan ang pagkaratol aron mas epektibo ang pagpatay sa kalayo ug kinahanglan ang pagbaton sa fire exit bisan sa panimalay.
Gibutyag usab sa ahensya nga ang direksyon sa hangin kinahanglan i-consider aron dili mosamot ang pagkatakod sa aso ug pagkaylap sa kalayo.
Kalabot niini, padayon ang pagbansay sa nasampit nga ahensya ngadto sa nagkalain laing sektor sa tumong nga maluwas og makaluwas pa sa kabtangan labaw sa tanan sa kinabuhi, tungod matod pa ligtas ang may alam.
Photo Courtesy to:BFP R9
