Gikundina sa Davao del Sur Police Provincial Office ang brutal nga pagpusil-patay kang Brgy. Tres de Mayo Kapitan Oscar “Dodong” Bucol, Jr. Ang kapitan nga gipusil samtang anaa sa iyang garahi samtang nag-Facebook Live gabii, sa Nobyembre 25, 2025.
Samtang miresponde gilayon ang Digos CPS ug gilunsad ang Provincial Dragnet Operation aron masikop ang suspetsado. Gitukod na usab ang Special Investigation Task Group (SITG) aron tutukan ang kaso ug paspason ang pagdakop sa responsible.
Nagpadayon ang PNP sa pagkuha og CCTV footage ug pagsubay sa mga posible nga persons of interest. Gipasalig sa kapulisan nga ilang paningkamotan nga makab-ot ang hustisya alang kang Kap. Bucol.
Photo Courtesy to: Davao del Sur Police Provincial Office
