Kusganong gisupak sa Bureau of Internal Revenue (BIR) ang balaodnon nga pagbungkag sa ahensya, tungod sa mga suhestiyong reporma aron mapugngan ang korapsyon.
Sumala sa BIR, ang pag-abolish kanila makadaot sa publiko nga nagsalig sa serbisyo nga gipundohan sa gobyerno.
Ang pamahayag sa ahensya misunod human sa pipila ka panawagan nga tukuron pag-usab ang ahensya gikan sa sinugdanan ug i-abolish ang pipila ka structural reform niini, apil na ang full automation.
Depensa ni BIR spokesperson Briana kang Delos Santos, sakto ang lakang ni bag-ong BIR Commissioner Charlito Mendoza nga temporarily suspendahon ang pag-isyu og Letters of Authority (LOAs) tungod sa alegasyon nga gigamit kini aron mangayo og kickback.
Iyang giingon nga kinahanglan og panahon aron i-reviews ang audit program ug masiguro nga dili maabuso ang mga LOA.
Dugang pa niya, usa sa pinakadako nga hagit sa BIR ang digitalization, nga kinahanglan paspasan aron maminusan ang discretionary audits nga dali maabuso.
Sumala usab ni Senador JV Ejercito, nakadawat siya og report nga adunay revenue officers ug regional directors nga nalambigit matod pa sa kickback scheme.
Gipaklaro nga ang LOA usa ka opisyal nga dokumento nga naghatag og katungod sa BIR /nga maghimo og audit sa usa ka taxpayer o business industry.
PHOTO COURTESY TO:PNA
