Arestado ang usa ka street level Individual sa gipahigayon nga Buy-Buy operation nga gipasiugdahan sa Nabunturan Municipal Police Station ubos sa pagdumala ni PLTCOL GOMERSENDO L. DIWATA II, sa Purok 2, Brgy. Poblacion, Nabunturan, Davao de Oro niadtong nakalabay nga adlaw.
Nailhan ang dinakpan nga si alyas “PARE”, 32 anyos, laborer ug residente sa Prk-2, Brgy. Poblacion, Nabunturan, Davao de Oro, kinsa nasikop tungod sa paglapas sa RA 9165.
Ang mga nasakmit nga mga kontrabando gilangkuban sa: heat-sealed transparent plastic sachets, adunay sulod nga puti nga crystalline substance nga gituohang (shabu).
Ang mga ebidensya anaa sa kustodiya sa kapulisan alang sa dokumentasyon ug disposisyon. Samtang kasong paglapas sa RA 9165 ang ipasaka batok sa suspetsado.
Photo for illustration credits to: adobestock
