Gitaho sa Police Regional Office – Central Visayas (PRO7) nga atol sa Simultaneous Anti-Criminality Law Enforcement Operations (SACLEO) gikan November 21 ngadto sa 23, 2025, diin tumong niini nga mapuhag ang mga ilegal nga mga kalihukan.
Sulod sa tulo kaadlaw, nihimo ang kapulisan og buy-bust operations, nagpatuman og search warrants ug warrants of arrest, ug mga checkpoints nga niresulta sa pagkasikop sa 178 nga mga drug personalities ug pagkakumpiska sa sobra usa ka kilo nga gituohang ginadiling drugas nga mobalor sa ₱7,350,120.
Samtang niresulta sab kini sa pagkasikop sa 5 ka mga Most Wanted Persons, 4 sa regional level, ug 1 nga municipal level, anaa sab 18 nga laing wanted nga mga indibidwal. Sa kinatibuk-an, ang mga nasikop anaa sa 201 sulod sa tulo ka adlaw.
Photo Courtesy to: PRO-7
