Gipangunahan ni PCOL RITCHIE S. BUCOL, Provincial Director sa Davao Oriental Police Provincial Office ang pagpahigayon ug regular nga pagbisita sa mga bangko sa dakbayan sa Mati kini aron masiguro ang kaluwasan sa publiko ug mapakusog usab ang koordinasyon sa mga kaubang ahensya.
Ang pagbisita gipahigayon pasado alas 2:00 sa hapon niadtong Nobyembre 24 ug nilusad usab ang Provincial Director ug pag-inspeksyon sa mga lugar nga nagtumong sa pagsiguro sa pagka-alerto ug kaandam sa mga security guard sa pagpanalipod sa ilang mga establisemento batok sa mga malapasong indibidwal.
Mihatag usab siya ug pahinumdom sa mga security personnel kabahin sa ilang tahas alang sa pagpatuman sa balaod. Kini nga inisyatiba nagpakita sa mga paningkamot aron nga mapadayon ang pasalig sa DOPPO ngadto sa publiko alang sa kaluwasan sa tanan.
Sa pikas bahin, human sa maong pagbisita nakigtagbo usab siya sa mga personahe sa City Traffic and Management Office (CTMO) aron hisgutan ang hiniusang operasyon alang sa pagdumala ug pagkontrol sa trapiko sa dakbayan.
Photo Courtesy to: DOPPO
