Nasakmit sa kapulisan sa Surigao del Sur ang 76.4 gramos nga shabu atol sa gihimong kampanya kontra illegal nga droga alang sa bulan sa Nobyembre, kini sumala sa report sa SDS-PPO.
Ang nasakmit, gibana-banang nagkantidad og Php519,520.00 ug wala’y narekober nga marijuana, cocaine, o uban pang klase sa ilegal nga droga. Mokabat sa 24 usab ka mga indibidwal ang nadakpan sa 18 ka operasyon ang gilusad sa mga awtoridad.
Samtang matod pa sa kapulisan sa Surigao del Sur, nagpadayon ang ilang paningkamot aron masiguro ang kalinaw ug kahusay sa tibuok probinsya.
Phoro courtesy: Surigao Del Sur Police Provincial Office
