Ni-resign si Olivia Yace sa Côte d’Ivoire sa iyang titulo isip Miss Universe Africa and Oceania, pipila lang ka adlaw human kini gihatagan og award.
Sa usa ka pahayag nga gipagawas niadtong Nobyembre 24, si Yace miingon nga iyang gipili ang pag-resign aron magpabiling matinud-anon sa iyang baruganan pinaagi sa pagtahod, dignidad, kahusayan, ug patas nga oportunidad.
Gawas sa pag-resign, hingpit usab niyang giputol ang tanang koneksyon sa Miss Universe Organization (MUO). Gipasalig sa beauty queen nga ang iyang desisyon mao ang pagpadayon sa pagdasig sa mga batan-ong babaye, ug dili limitahan sa usa ka “nakunhoran nga papel” isip continental queen.
Ang iyang pahayag miabot taliwala sa mga alegasyon nga ang mga resulta sa Miss Universe 2025 “gi-rigged” pabor kang Fatima Bosch sa Mexico. Sumala sa pipila ka mga kritiko, ang kadaogan ni Fatima mahimong naapektuhan sa iyang koneksyon sa presidente sa MUO nga si Raul Rocha.
Si Olivia, kinsa mao ang ikaupat nga runner-up sa Miss Universe 2025, usa sa mga paborito nga modaog tungod sa iyang lig-on nga presensya ug maayo kaayong pasundayag sa Q&A.
Nanawagan usab siya sa mga komunidad sa Africa, Caribbean, Amerikano, ug Afro nga magpadayon sa pakigbisog alang sa ilang identidad. Wala pa’y opisyal nga pahayag ang MUO kung kinsa ang mopuli kang Olivia.
Samtang, gikumpirma sa organisasyon sa Miss Côte d’Ivoire nga ibalik ni Olivia ang iyang titulo sa MUO. Ang nahabilin nga mga reyna sa kontinente naglakip sa Miss Universe Asia – Zhao Na (China), Miss Universe Europe – Julia Cluett (Malta), ug Miss Universe Americas – Stephany Abasali (Venezuela).
Photo Courtesy to: Interaksyon
