Lima ka mga behikulo ang naka-angkon ug damyos human gibanggaan sa usa ka Wing van color blue ang luyong bahin sa utility van nga natigayon sa National Highway, Purok 3, Barangay Limonan, San Miguel, Zamboanga del Sur, adlaw’ng Martes, Nobyembre 25, 2025.
Ang nalambigit sa panagbangga mao ang usa ka Blue Truck Wing Van, nga gimaneho sa usa ka 27 anyos nga lalaki nga taga Gingoog City, Misamis Oriental, usa ka Silver Utility Van (GAX2650), nga gimaneho sa usa 52 anyos nga Sangguniang Bayan Member sa Poblacion Margosatubig, usa ka Graphite Grey Strada GLS nga gimaneho sa usa 57 anyos nga German national residente sa Dinas usa ka Scarlet Yaris Cross gimaneho sa usa ka 41 anyos nga babaye nga doctor gikan sa Tubod, Lanao del Norte ug usa ka Blue Honda RS125 nga motorsiklo nga gimaneho sa usa ka 60 anyos nga mag-uuma nga lumulupyo sa Barangay Limonan, San Miguel.
Sa imbestigasyon sa kapulisan, susama nga gibaybay sa maong sakyanan ang direksyon gikan sa syudad sa Pagadian paingon sa San Miguel sa diha nga aksidente nga nawad-an ug control ang driver sa wing van ug nabundol ang gisundan nga utility van nga mibundol usab sa gisundan pang mga sakyanan nga misumatotal sa lima ang nadamay.
Swerte lang nga wala ray natala nga nasamdan o nakabsan sa kinabuhi atol sa maong panghitabo, samtang nakakustudiya na karon ang tanang mga behikulo nga nalambigit sa panagbangga sa San Miguel Municipal Police Station alang sa tukmang lakang.
