Giaprobahan na sa House Committee on Agriculture and Food, nga gipangulohan ni Quezon Rep. Wilfrido Enverga, ang House Bill 608, nga nagtumong sa pagpausbaw sa rural entrepreneurship, pagdugang sa kita sa mga mag-uuma, ug pagpalig-on sa mga komunidad sa agrikultura.
Ang maong sugyot nagtumong sa pag-establisar og multi-purpose farmer competition hubs aron mapalambo ang kooperasyon ug himsog nga kompetisyon sa mga grupo sa mag-uuma, isip tubag sa mga hagit sama sa taas nga gasto sa produksyon, ubos nga presyo sa farmgate, ug pagsalig sa mga middlemen.
Matod ni Rep. Antonino Roman III, ang nagsulat sa House Bill 608, ang maong balaudnon nagpasiugda sa konsepto sa “coopetition” – kooperasyon tali sa magkaatbang nga grupo sa mga mag-uuma pinaagi sa mga clustered organizations ug ang pagtukod og mga coopetition hubs.
Ipaambit sa mga hub ang mga kagamitan ug pasilidad human sa pag-ani sama sa pagpauga, paggaling, ug storage. Kini usab makapalig-on sa abilidad sa mga mag uuma sa direktang pagbaligya sa ilang mga produkto aron mamenosan ang pagsalig niini sa mga middlemen.
Diin ang maong sugyot gibase sa labing maayong gawi sa Thailand ug Korea diin kontrolado sa mga mag-uuma ang pagtanum, pagproseso, ug pagbaligya sa ilang mga produkto, ug makahimo sila sa pag-organisar sa mga dagkong kooperatiba nga wala magsalig sa mga middlemen ug mga negosyante.
Photo Courtesy to:Go Negosyo
