Padayong nag-awhag ang Department of Migrant Workers (DMW) Zamboanga del Sur sa mga katawhan nga buot molarga abroad, nga mag-amping og magbantay sa mga illegal recruitment agency nga dili awtorisardo sa ilang buhatan.
Matod ni DMW Provincial Head Kinnymar Pañares, padayon ang ilang gihimong seminar og panawagan sa tanan aron malikay sa mga illegal recruiter tungod kay daghan pa gihapon mapahimuslanon karong panahona.
Gipahayag ni Pañares kun may ka-transaction diha sa social media nga nag-offer og palarga abroad nga dili basta basta motuo hinuon i-verify una kini sa ilang buhatan aron dili mabikitima sa mga nagpatuo nga mga nagtanyag og maayong trabaho.
Samtang giawhag sa opisyal ang publiko nga likayan nga nga mamahimong biktima sa illegal recruiter tungod kay dili lang kwarta ang mawala ug posible lakip pa ang kinabuhi ang madisgrasya.
